17.07.2009



Tek Audi, progresit të vazhdueshëm teknologjik tashmë i shtohen edhe 100 vite eksperience. Janë 100 vite të mbushura me arritje dhe sfida të realizuara. Një punë e gjatë dhe e palodhur për tu pozicionuar në majën e segmentit ekzekutiv në treg. Një punë e cila është shpërblyer më së miri nga interesi dhe vëmendja e klientëve të kësaj marke.

Ka qënë viti 1909 kur August Horch themeluesi i Horch & Cie largohet nga kompania e tij e vjetër për të krijuar kompaninë e re Audi. Kompanitë ndryshonin por vizioni për udhëhqje me anë të teknologjisë mbetet i njëjtë. U desh pak më tepër se 1 vit për të prodhuar modelin e parë Audi 10/22 PS Type A. Në ndryshim nga konkurrenca Horch i kushtoi një rëndësi të veçantë cilësisë së automjeteve të tij.

Janë të shumta arritjet e deritanishme. Zbulimi dhe zhvillimi i sistemit permanent Quattro, zhvillimi i strukturës Audi Space Frame me alumin rezitent dhe të lehtë, përdorimi i sistemit të dritave të ditës LED Light dhe grila e pandashme tashmë janë kthyer në simbol të kësaj marke.

Për të festuar me më të mirët ishin më të mëdhenjtë. Kancelarja e Gjermanisë Znj. Angela Merkel, kryeministri i Landit te Bavarisë Horst Seehofer, pianisti me famë botërore Lang Lang i cili performoi live për të ftuarit e nderit si dhe shumë të tjerë u mblodhën në ceremoninë festive të organizuar në Ingolstadt me rastin e 100 vijetëve Audi.

Një prezantim madhështor i asaj çka Audi ka bërë në këto 100 vjet. Personalitete të politikës, industrisë së makinave dhe arti vlerësuan arritjet e markës me katër rrathë në 100 vjetorin e saj. Kancelarja e Gjermanisë Znj. Angela Merkel nuk i kurseu superlativat për modelin e suksesshëm që Audi ka esportuar në të gjithë botën. “Është fat dhe krenari për Ingolstadt-in dhe Landin e Bavarisë që ka në territorin e saj një kompani si Audi” tha kryeministri i Landit Horst Seehofer.

100 të rinj firmosën kontratën e tyre të parë të punës pranë Audi AG ku në mënyrë simbolike Kancelarja Merkel u dorëzoi edhe kontratën tre përfaqësuesfe të grupit.

Një moment tjetër kulmor gjatë ceremonisë së 100 vjetorit të Audit ishte edhe prezantimi i Audi A5 Sportback. Coupe-ja e suksesshme e shtëpisë Audi vjen tashmë me pesë dyer. Eleganca dhe performanca tashmë në më tepër hapsirë.